He Lekapī ʻono loa: Ka lūʻau Moa hana ‘ia ma ka ipu wawe
 

Aloha mai e ka ʻohana o Kamehameha! I kēlā me kēia lā, lohe ʻia ka ʻōlelo Hawaiʻi ma nā kula. Akā naʻe, he mea koʻikoʻi nō hoʻi ke ola o ka ʻōlelo i loko o ka hale me ka ʻohana. Eia kekahi lekapī no ka meaʻai Hawaiʻi ʻono loa, ʻo ia hoʻi ʻo ka lūʻau moa. Maʻalahi a wikiwiki ka hoʻomākaukau ʻana i kēia meaʻai, a maikaʻi loa nō hoʻi kēia lekapī no ka ʻaina ahiahi no ka ʻohana. Moni ka hāʻae i ka lūʻau moa!

Inā ʻaʻole loaʻa iā ʻoe ka Ipu Wawe, hiki nō ke hoʻomākaukau ʻia kēia lekapī i loko o ka ipuhao maʻamau ma ke kapuahi; e ʻoi aku ana naʻe ka lōʻihi o ke kuke ʻana. Hiki ke hoʻololi i kēia lekapī no ka poʻe hamulau; E pani ʻia ke kai moa me ke kai lauʻai a e hoʻokomo i ka ʻuala a ʻulu paha (i moʻa ʻē) ma ka hope o ke kuke ʻana. E ʻai pū me ka poi!

Aia ka lekapī kumu ma ke kaha pūnaewele o Kaʻiwakīloumoku a ua nui nō naʻe nā lekapī ʻono loa hou aʻe ma laila e koho ai!

Nā mea pono:

• 1 puna pākaukau waiūpaka
• 1 1/2 paona ʻūhā moa (iwi ʻole a ʻili ʻole; ʻehā mau ʻūhā moa)
• 1/2 puna kī paʻakai Hawaiʻi
• 1/2 ʻakaʻakai poepoe, i ʻokiʻoki ‘ia
• 2 kīʻaha kai moa
• 1 paona lūʻau
• 1 kini waiū niu

Nā ʻōkuhi:
E ʻokiʻoki i ka ʻakaʻakai poepoe a me nā ʻūhā moa. Hoʻomākaukau i ka lūʻau: E holoi i ka lūʻau i ka wai. E uhaki a hemo ka hā mai ka lau a e ihi i ka ʻili o ka hā. E ʻokiʻoki i nā hā he mālua ka lōʻihi (ua like ia me ke ākea o ʻelua manamana lima e pili pū ana). E ʻokiʻoki i nā lau lūʻau. E akahele, hiki ke maneʻo ka ʻili i ka lūʻau, no laila, e komo i nā miki lima!

E hoʻokomo i ka waiūpaka i loko o ka Ipu Wawe, a e palai a moʻa ʻo waho o nā ʻāpana moa me ka pihi “Sauté.” E hoʻokomo i ka paʻakai, ka ʻakaʻakai, ke kai moa, a me ka lūʻau i loko o ka ipu hikiwawe a e kau ke poʻi. Kuke ma o ka pihi “Pressure Cook” ma o ka pihi HIGH no 35 mau minuke. Hoʻokuʻu i ka māhu (a i ʻole e kali i ke emi ʻana o ka mīkā a kūpono), a e ninini aku i ka waiū niu i loko a  kāwili maikaʻi. He lawa no ʻehā mau kānaka.

*Inā kuke ʻoe i kēia lekapī ma ka ipuhao maʻamau, e kupa liʻi i nā mea a pau no 1 hola ma ke kapuahi. Hiki pū ke kuke i kēia lekapī ma ka ipu kuke lohi ma ka LOW no 6-8 mau hola. E hoʻokomo i ka waiū niu ma mua pono o ka ʻai ʻana.

A very delicious recipe: Chicken lūʻau stew made in the Instant Pot

Greetings Kamehameha family! Each and every day, the Hawaiian language is heard in schools. However, it is important that language lives at home with your ʻohana too. Here is a recipe for some very delicious Hawaiian food: chicken lūʻau stew! Making this meal is easy and quick, and this recipe is great for dinner with your family. The mouth waters for chicken lūʻau!

If you don’t have an Instant Pot, you can also cook it in a regular pot on the stove or a slow cooker (crock pot); the cooking time will be longer. You can also make this recipe vegetarian using veggie broth and precooked ʻuala (sweet potato) or ʻulu (breadfruit) added at the end. Eat it with poi!

The original recipe is on the Kaʻiwakīloumoku website, and there are lots of delicious recipes there to choose from!

Ingredients:

• 1 tbsp butter
• 1 1/2 pounds of chicken thighs (skinless, boneless; ʻehā mau ʻūhā moa paha)
• 1/2 tsp Hawaiian salt
• 1/2 diced round onion
• 2 cups of chicken broth
• 1 pound of lūʻau
• 1 can of coconut milk

Instructions:
Chop the onion and chicken thighs. To prepare the taro leaves: Wash the taro leaves with water. Break the stems off the leaf, peel the skin off the stems, and break the stems into pieces (two-finger width). Cut the leaves. Be aware, lūʻau can make skin itchy, so wear gloves if you want!

Put the butter into the Instant Pot and sear the chicken on “sauté.” Put the salt, onion, chicken broth, and lūʻau in the Instant Pot and cover. Cook on “Pressure Cook” on high for 35 minutes. Release the steam (can wait for natural release if you prefer) and mix with coconut milk. Four servings.

*If you cook this recipe in a regular pot, simmer for one hour on the stove. You can also cook it in a slow cooker on low for 6-8 hours. Add the coconut milk before eating.

TAGS:
hookahua, hawaiian language, ʻōlelo hawaii, recipe, cultural conversations, kūkahekahe

CATEGORIES:
Regions, Themes, Culture, Community, Hawaii Newsroom, KS Hawaii Home, Kapalama Newsroom, Kapalama Home, Maui Newsroom, KS Maui Home, Newsroom, Campus Programs, Hawaii, Kapalama, Maui, Community Education, Department News, Ho‘okahua